Эрхэм хүндэт JCI Гранд салар байгууллагын гишүүдээ, юуны өмнө энэ хүндтэй албыг надад итгэн хүлээлгэсэн та бүхэндээ гүн талархал илэрхийлье.
Бид бүгд нэгэн зорилгын төлөө нэгдэн, илүү сайн ирээдүйг бүтээхийн төлөө хичээн зүтгэдэг хүчирхэг хамт олон билээ. Энэ гайхалтай байгууллагын гишүүн байх, цаашлаад удирдан чиглүүлэх хариуцлагатай үүргийг авах нь миний хувьд нэр төрийн хэрэг юм.
2025 он бидний хувьд онцгой жил байх болно. Энэ жил JCI байгууллагын 110 жилийн ой тохиож байгаагийн сацуу Ази Номхон далайн бүсийн Чуулган Улаанбаатар хотод зохион байгуулагдах гэж байна. Мөн манай JCI Гранд салбар маань 111 гишүүнтэй болж, улам өргөжин тэлж байгааг тэмдэглэхэд таатай байна.
Бидний өнгө төрхийг энэ жил дөрвөн навчтай клевер илэрхийлэх бөгөөд энэ нь аз, амжилт, эв нэгдэл, хөгжлийн билэгдэл юм.
Энэхүү жилд бид дараах зорилтуудаа биелүүлэхээр зорьж байна:
• Гишүүд рүү чиглэсэн үйл ажиллагаа: Бид хамт олны дуу хоолойг сонсож, гишүүдийнхээ хөгжилд илүү их анхаарал хандуулах болно.
• Шинэ төслүүдийг хэрэгжүүлэх: Инновацлаг санаачилгуудыг дэмжиж, нийгэмд бодит өөрчлөлт авчрахуйц төслүүдийг эхлүүлэхэд төвлөрнө.
2025 он бидэнд олон сорилт, боломжууд тохионо гэдэгт итгэлтэй байна. Харин бид бүгд хамтдаа хичээвэл ямар ч өндөрлөгт хүрч чадна гэдэгт итгэж байна. Та бүхний итгэл, дэмжлэгээр би энэ албыг нэр төртэй, хариуцлагатайгаар гүйцэтгэх болно. Та бүхний хамтын зүтгэл биднийг улам илүү хүчирхэгжүүлж, хөгжүүлэх болно гэдэгт итгэлтэй байна.
Хамтдаа, Хүчтэй!
